So finally tani cuti.

Q: Apa rasa Guri-Wan pasai cuti ani?

G: Eh... kan ditanya lagi ka. Tantu la siok... main PS2 spanjang hari dan lain-lain... tapi ada sikit ku ingau la. Macam kalau aku tepaksa drive.

Q: Kami tedangar ada scandal antara Guri-Wan dengan seseorang orang CS, banar kah tu?

G: *blush* A...apa eh. Ntah eh, dari mana kamu dangar tu?

Q: G-1 post di Blogger G-1 jua.

G: ...ah atu. Nda kena-mengena tu eh, biar tia, baik ko tanya soalan lain.

Q: Pernah G-1 makan ambuyat ka, durian ka...

G: LOL Aku ni bukantah orang Brunei kalau nda pandai makan ambuyat. Awu, pandai ku, baru tadi aku makan sama family sebalah my dad.

Q: Game apa G-1 sedang main?

G: Winning Eleven 10, Bleach sama Samurai Champloo.

Q: Apa yang G-1 anticipate sangat for next semester?

G: Tantulah Karaoke Club BJFA-UBD yang aku ketuai. Banyak dah imaginasiku. Aku mau gumpul 5 orang kan buat dance step Hare Hare Yukai.

Q: Dance... apa?

G: Hare Hare Yukai atu lagu ending anime "The Melancholy of Haruhi Suzumiya". Aku recommend kamu meliat, sudah kana sub.

Q: Oh... G-1 pandai dance sendiri?

G: Er... inda. Aku mihir kali ah.

Q: Yang lain, apa G-1 recommend, macam, tempat makan ka...

G: Oh, tempat makan. Time balik minggu lapas aku, my mom and my Mami kan makan di C.A. Mohamad, tapi panuh, so kami ke Seri Indah Restaurant di sebarang. Hebat makanannya. Aku malar cakap, kalau aku kanyang makan di suatu tempat dengan only satu round ja, ajaib tempat tu, so Seri Indah atu ajaib.

Q: Bah, atu ja untuk hari ani.

G-1: Tenkyu. Ayam berekong.

Q: Waalaikumsalam.